Student Handbook # 2: May Parating...

Akala niyo tapos na?

Teka, may parating… Mabilis ang tibok ng iyong puso. Pabilis ng pabilis… Palapit na siya…

Ito na dumating na!

Ang titser niyo ay dumating na!

Titser, ang tawag ng iba ay guro, prof kung college.

Sila ang nagtuturo sa bawat mag-aaral ng academics, ng bawat subject na hawak nila. Sila ang sinasabing ikalawang magulang natin sa paaralang tinatawag naman nating ikalawang tahanan.

Ngayong alam mo na, ngayong naalala mo na, babati na kayo ng “good morning” o “good afternoon” sa inyong titser. Sabay-sabay. Dapat may sigla.

Magpapakilala na ito. Dito na papasok ang kanyang mga expectation sa isang mag-aaral. Dito na papasok ang kanyang rules. Dito na papasok ang kanyang mga announcement.

At matapos mong makilala ang iyong mga kaklase, ngayon ay panahon na upang kilalanin ang inyong mga titser. Mahuli niyo kaya ang kiliti nila?

Simulan na!

THE PARENT

DISTRIBUTION:

MALE: 5%

FEMALE: 95%

Sila ay ang mga titser na talagang anak ang turing sa kanilang mga mag-aaral. Lahat ay pantay-pantay. Lahat ay magkakapatid. Walang favorite.

Sila ay ang karaniwang nagiging adviser ng isang section dahil sa pagiging organized at disciplinarian nila. Sa pamumuno niya gumagalaw ang mga classroom officers. Magaling silang humawak ng pera. Ito ay talagang may budget sila sa nalikom na pera na maaaaring magamit sa mga kailangan sa classroom at sa mga pagkain sa Christmas party.

Sila iyong tipo ng  titser na talagang kung may problema ka sa iyong grades ay kakausapin ka tungkol dito. Maaari namang ang parents mo na lang ang ipatawag. Honest, fair at malinis sila sa pagbibigay ng grade.  Well-explained kung paano mo ginawa ang grade mo. Hindi siya ang gumawa ng grade mo, siya lang ang nagrecord.

Bilang isang ama o ina ng mga mag-aaral, para sa kanila ay walang alitan o problemang di malulutas sa isang maayos na usapan. Di sila ang lumulutas ng problem pero sila iyong nagbibigay ng advice kung paano harapin ang problema, kung ano ang mali mong ginawa, kung ano ang maaari at dapat mong gawin. Basta, sila ay iyong laging concern sa mga mag-aaral. Caring at understanding din sila. Nagagawa nilang hawakan ang personal life ng isang mag-aaral.

Galit sila sa mga lumalabag sa school rules and regulations. Kailangang magpagupit ng buhok or else, siya na ang gagawa nito para sa iyo. Kailangan laging nakasuot ng school uniform. Kailangan hindi ka late.  

Di sila marunong magalit, marunong lang silang magtampo. Di sila pakelamero, may pakialam lang sila. Kapag ba naman di ka pa napamahal sa kanya ay ewan ko na lang. At para sa isang mag-aaral, sila iyong mga titser na masarap balikan kahit wala ka na sa school.

At kung meron kang titser na nais balikan, meron din namang mga titser na nais mong iwasan, taguan at kalimutan. Minsan pa nga ay nais mo pang isumpa. Number 1 dito ang mga…

MS. TAPIA A.K.A. THE STRICT TERRORIST

DISTRIBUTION:

MALE: 10%

FEMALE: 90%

Sila ang talagang di nawawala sa isang campus. 

Martial Law ang drama ng mga ganitong titser- as in strict to the point. Iyong tipong siya ang master niyo, kayo ang followers at mga alipin niya. Iyong tipong para siyang kakain ng bata. Iyong tipong alam ng lahat na kaunti lamang ang nakakapasa kanya at marami ang bumabagsak. Iyong tipong bulldog o dragon ang nickname niya sa buong campus. Iyong tipong Sen. Miriam Defensor-Santiago ang aura. Iyong tipong kontrabida ang dating. Iyong tipong araw-araw ay menopause.

Laging galit, laging may kaaway, laging sumisigaw. Kapag dumating, ang sound effects ay isang thunder clap at isang evil laugh.

Mahalaga ang attendance sa kanya, may mamiss ka lang na lesson, tiyak patay ka na. Mahigpit ito sa deadline, walang extension. Kapag di ka umabot, tiyak dead ka. Nakapagpasa ka, kung mukha namang basura ang gawa mo, repeat or reject iyan. O maaaring makita mo na lang ang iyong project sa basurahan. Kung papel na mukhang saan hinugot ang ipinasa mo, tiyak gagamitin niya itong tissue paper. In short, quality ang mahalaga sa kanya.

Di gaanong mahalaga ang attendance sa kanya. Magtuturo pa rin ito kahit lima na lang kayo. Magtuturo pa rin ito umulan bumagyo, magunaw man ang mundo. Pero ang totoo, siya ang tunay na unos sa buhay ng isang mag-aaral.

Mahalaga ang attention sa kanya, walang dapat lumingon sa likod, walang dapat tumingin sa kaliwa o sa kanan, walang maaaring lumipat ng upuan, dapat makinig. Lend me your ears. At galit ito sa bingi dahil kung bingi ka, tiyak makakarinig ka sa sigaw nito kaya dapat may cotton buds kang dala.  Ang mga ganitong scenario ay hindi magandang tanawin para sa kanya. 

Kapag napangiti ka, feeling niya siya ang pinagtatawanan niyo. Wala itong oras para makipagbiruan at makipagtawanan. Talagang lecture lang.  

 

Good line from a terror teacher: Don’t memorize, familiarize.

Sa gitna ng klase, mabagal ang pagtakbo ng oras dahil sa sobrang takot mo na matawag ka, mahuli kang maingay, mahuling nangongopya o nangongodigo o kaya ay mahuli kang walang homework, walang alam, wala pang sagot.  Kapag sumagot ka, dapat eye-to-eye ang contact at dapat buo ang boses, buo ang loob. Mahilig din itong mamahiya. Talagang sasabihin niya kung mali ka, sasabihin niya ang masakit na katotohanan. Para kang nakagawa ng isang malaking kasalanan. Para kang nasa impeachment.

Mabilis na nga itong magturo, mahirap pang unawain ang lesson na itinuturo niya. Lahat ay nosebleed sa mga words niya, para siyang walking dictionary. Mahilig pa itong lumibot sa classroom kaya walang ligtas ang mga kodigo o ang mga cellphone na tiyak ay confiscated. O kung nakaupo man ay kita niya ang lahat. The worst thing is mahilig itong mag-extend ng oras kaya naman ang dasal ng karamihan, sana absent siya o sana walang pasok pero malabo iyon.

Ang kaya lang makaligtas sa ganitong doomsday ay ang mga matatalino, as in active. Sila lang kasi ang nakakasabay dito at kaya pa nilang makipaglaban dito. Debate kung debate. Kapag napahiya o natalo, walk out ito. Akala ng marami ay galit pero hindi pala. Nakatagpo ito ng katapat- isang magaling. Masaya ito. Mataas na nga ang pride nito, lalo pang tumaas. Tumaas din ang blood pressure nito. Talagang competitive at perfectionist. Workaholic ito. Magaling itong coach/mentor. Ang gusto niya lang ay champion- walang silbi ang second place. Ito daw ang unang talo. 

Maging ang mga guwapo, mayayaman at ang sipsip ay di makayanan ang bagyong ito. Talagang tahimik. Bawal ang anumang ingay kahit paglunok ng sariling laway. Nakakatakot ding pumunta ng cr. Baka kasi sabihin niyang , “Where are you going? Stay where you are. Sit down!” Dito nagsisimula ang mga titser’s enemy no. 1. 

Galit ito sa mga Ba Be Bi Bo Bu. Galit ito sa careless. Iyong tipong nautusan kang gumamit ng isang machine na di mo alam kung paano gamitin ay sasabihan kang, “Kumakain iyan ng tanga.” Kaya hindi lang dapat extra cautious ang powers mo dito, dapat over cautious ka.

Magkamali ka lang, tiyak ang kapalaran mo- isang punishment na maaaring ikaw ay mabato ng chalk, malintikan ng walis o ruler, mamatay sa squat, matuwa dahil “get out” ang drama niya, matakot dahil ang line niya ay, “Mag-uusap tayo mamaya.” Ang matindi ay kung sabihin niyang ipatawag mo na ang parents mo. Mas matindi kung sasabihin niyang di ka makakagraduate. At pinakamatindi kung sasabihin niyang magkikita muli kayo sa susunod na taon. Isa talaga itong disciplinarian. Professor talaga.

Kapag ba naman di ka tumino at sumipag ay talagang loko ka. Pero alam niyo ba, ang mga ganitong uri ng titser ang ok. Mga board passer at top notcher ang bunga nila dahil sa ganito rin sila o kung hindi man ay pinangarap nila kaya naman todo ang expectations sa inyo. Talagang di mo makakalimutan at talagang may natutunan ka. Talagang ayaw nilang masayang ang oras mo sa paaralan. Talagang ayaw nilang masayang ang baon na bigay ng nanay at tatay mo. Talagang gusto ka nilang maging matagumpay at may maipagmamalaki. Gusto ka nilang maging handa. Gusto ka nilang matutong lumaban. Gusto ka nilang maging masipag at matatag. Gusto ka nilang maging tao.

At ang titser na gusto ng karaniwang mag-aaral ay iyong…

STORY-TELLER

DISTRIBUTION:

MALE: 50%

FEMALE: 50%

Ito ay ang titser na kaibigan at kabarkada ng mga mag-aaral. Iyong birthday mo at ang tanong sa iyo ay kung ano ang handa at kung invited ba siya. Kapag may picture taking ang mga mag-aaral, kasali siya. Sobra itong considerate na minsan pa nga ay ito pa ang source ng mga pag-iingay, ng mga tawanan at ng mga kalokohan. 

Iyan ang visual aids, magsulat kayo habang nakikinig at nakikipag-usap sa kanya. Bahala na kayong umunawa sa isinusulat niyo basta siya ang entertainer niyo. 

O kaya naman ay kahit nasa gitna kayo ng discussion magsisingit ito ng biro na minsan ay green o kaya naman ay corny, magsisingit ito ng chika tungkol sa isa niyong kaklase, titser o puwede rin sa isang celebrity, magsisingit ito ng kuwento na madalas ay di na related sa lesson at tungkol sa buhay niya.

Kapag alam niyang matatapos na ang klase, bigla siyang babalik sa lesson kahit kulang na ang oras para dito. Kapag naubos na ang oras, sasabihin na lang niya na, “Time na pala?” Nabitin kayo dahil sa tuwang-tuwa kayo. Mabagal ang oras kapag nasa gitna kayo ng kasiyahan pero mukhang mabilis kapag natapos na.

Cool ang dating nito sa lahat dahil sa updated ito sa mga uso, sa mga trending, sa mga bago. Minsan ay mahuhuli niyo na lang itong naglalaro ng computer games sa faculty- Farmville daw kung poultry at livestock ang tinuturo niya, Plants vs Zombies kung gardening naman at marami pang games na sabi ay connected naman sa tinuturo niya. Talagang isip-bata ito. Talagang nakakarelate ang lahat sa sinasabi niya.

Magaling din itong adviser, may strategy din ito sa pagtuturo gaya ng mga games like Boys VS Girls, group competition, quiz bee, etc.

Pero nanaisin niyo pa bang makinig sa isang titser kung siya ay isang…

MEGAPHONE:

DISTRIBUTION:

MALE: 20%

FEMALE: 80%

Ito ay iyong mga titser na may built-in speaker sa lalamunan. Parang may sasabog na bulkan kapag nagsasalita ito. Talagang nakakabingi at ang tingin sa inyo ay mga bingi. Malaki ang iyong pagsisisi kung bakit isinilang kang may mga tenga. Marami itong announcement ang iyon ang masakit. At by the way, huwag niyo nang hilingin na siya ang maging emcee sa inyong school program. Kahit walang mic, tiyak siya na ang bahala sa sound system.

At siyempre, meron din namang…

GHOST WHISPERER

DISTRIBUTION:

MALE: 20%

FEMALE: 80%

Ito ay ang perfect opposite ng megaphone. Iyong gusto mong tumayo at sabihing, “Louder please.” Karaniwan kasi ay matatanda na ang mga ghost whisperer. Parang multo ang kausap. Psychic? 

Pero ang tunay na nakakatakot ay ang…

SICK SNOOZER-SLEEPER

DISTRIBUTION:

MALE: 50%

FEMALE: 50%

Ito ay iyong mga titser na ewan ko ba kung bakit pumasok pa sa klase samantalang may sakit. May nais yatang patunayan. Na masipag siya? Di ko alam. Nais yatang magkalat ng sakit. O baka naman clinic dapat ang pupuntahan pero nahilo at naligaw sa classroom niyo.

Sa unang tingin ay mapapansin ang kanilang mga eyebag at ang mga naninilaw na mata. Tiyak ay puyat pero di alam kung bakit. Ang iba ay nagsasabi kung bakit pero ang iba ay hindi. Malalaman mo na lang sa ibang titser na concern. Para silang mga adik, para silang mga lasing. Payat sila at parang gutom at di kumain ng isang taon. Mukha na halos silang bumangong patay dahil sa wala na halos silang kulay. At parang isang hawak mo lang sa kanila ay matutumba na. Parang sila pa ang dapat alagaan. Para pang may allergy. Allergic magturo? Allergic sa bata?

Ito ay iyong mahina ang boses dahil sa may sorethroat at sipon sila. Ang iba naman ay di na makapagsalita dahil sa todo ang hikab, ubo at bahing.  Ang iba nga ay may suot pang face mask. Parang magsusuka ang itsura ng ibang uri.

Siyempre boring ang klase at walang nakikinig lalo pa’t nakita ng mga mag-aaral na ito ay isang magandang pagkakataon upang maging pasaway. Walang laban ang kawawang titser. Ito ay pumipiyok na at halos wala nang boses sa pagsaway at pagtuturo. Karaniwang mabait ang mga ganitong titser sa mag-aaral pero bakit di sila mabait sa kanilang mga katawan, sa kanilang sarili?

Pero ang talagang nakakadiri ay iyong mga…

D.O.M

DISTRIBUTION:

MALE: 90%

FEMALE: 10%

Ito ay kinabibilangan ng mga lalaking titser, minsan ay pogi, minsan ay feeling pogi lang, tapos ang mga mata ay nakatingin sa legs o sa dibdib ng mga kababaihan, mag-aaral man o titser. Kulang na nga lang ay maglaway ito sa sobrang ganda ng tanawin. Karaniwan itong nagbibitaw ng mga green jokes. Ang ibang uri nila ay iyong maginoo, habulin ng mga chicks at minsan ay nakasuot ng fitted na damit para macho ang dating. Ang iba naman ay iyong karaniwang matanda lang na sinasabing may appeal pa, di ko lang alam kung saan.

Madalas ay mga babae ang nagiging favorite nila, nagiging secretary nila at higit sa lahat ay nabibigyan ng pansin, consideration at matataas na grades kahit hindi naman ganoon kagaling. Kaya naman minsan, ang mga sipsip ay talagang tuwang-tuwa.

At kung akala ng lahat ay mga lalaki lamang na titser ang may ganitong ugali, may mga babaeng titser din naman na mga batang lalaki ang hilig lalo iyong mga escort ang dating. Sila ay iyong mga nagdadamit na ewan ko ba kung bakit pa nagdamit samantalang may nais naman talagang ipakita. Tapos ang malupit ay iyong nakatingin sila sa baba. Dito naman tuwang-tuwa ang mga lalaking maniac.

At siyempre ay mga titser naman na di lamang feeling kundi talagang may dating... Sila ay ang mga...

CRUSH TEACHER

DISTRIBUTION:

MALE: 95%

FEMALE: 5%

Sila ay iyong mga karaniwang titser lamang, ang naiba nga lang ay may dating sila at di sila D.O.M.  Sila ay iyong mga titser na cool ang dating, laging mukhang bata, maginoo at mayumi, may talent, may X factor at iyong mga akala ng lahat ay hanggang panaginip at hanggang pangarap lang, ideal nga kung sasabihin. Karaniwan nga lang ay mas matindi ang appeal ng mga lalaking titser kaya naman madalas na sila ang maging crush ng isang mag-aaral.

At kapag ganito ay may mga nabubuong something... Something na gaya ng nangyari sa...

PREGNANT TEACHER and BABYSITTER

DISTRIBUTION:

MALE: 25%

FEMALE: 75%

Ito ay iyong mga titser na masisipag. Madalas ay papasok silang buntis at siyempre madalas magkasakit kaya naman madalas ding absent. At kung madalas absent ay madalas matuwa ang mga mag-aaral lalo na kung ito ay matagal nang nawawala- halos isang buwan na! Matapos nito ay may mga titser naman na todo ang dala sa anak na minsan ay ang anak pa ang pasaway kaysa sa mga mag-aaral. At siyempre, ang ibang mag-aaral na mahilig sa bata ay matutuwa. Minsan pa di na makapagturo ng maayos ang titser dahil sa anak. Magulo ito. Talagang magulo. Masakit sa ulo.

At masakit din sa ulo ang magkaroon ng titser na...

GLOC-9/MASTER RAPPER

DISTRIBUTION:

MALE: 60%

FEMALE: 40%

Sila ay iyong mga titser na parang hinahabol ng kabayo. Mabilis silang magturo. Bawal kumurap ang mata o ang magpunta sa cr kundi namiss mo na ang buong lesson. Mabilis silang magsalita na parang sanay sa tongue twister. At tiyak, maraming nganga, tulala, tulo ang laway. Di nila nakuha. Mabagal ang processing ng utak.

At kapag medyo mabagal naman sila magturo, ang isang simpleng lesson/equation ay pinapahaba o ginagawang complicated. Tapos wala pala sa choices o wala sa itinuro ang sagot sa exam. Even worst is sabi niya kailangan niyang magcheck ng notebooks niyo. Wala kang naisulat, kulang ang notes mo dahil sa speed of light niyang pagtuturo. Basta, mabilis ang oras para sa kanila.

Kung ano naman ang bilis ng oras sa mga ito ay mabagal naman ang oras ninyo sa...

ROBOT

DISTRIBUTION:

MALE: 25%

FEMALE: 75%

Ito ay iyong mga titser na talagang wala man lang motivation sa pagtuturo at ang drama sa klase ay monologue.  Ito ay dahil karamihan sa kanila ay matatanda na, mga titser na traditional ang pamamaraan at naiwan na ng panahon. Basta, magrereport ang bata, magsusulat, magkakaroon ng lecture at lahat ay boring. Minsan nga ay nagkukuwento na lamang ito ng kanyang biography.

Mabagal ang pagtakbo ng oras para sa mga mag-aaral. Karamihan ay di na nakikinig, nagtetext na lamang, nag-iingay at nagdadaldalan, palihim na kumakain, nakatingin sa orasan, sa crush, sa bintana, natutulog na. 

Di ito mahilig manaway pero tahimik at gising ang lahat kapag sinabi nitong, “Get ¼ sheet of paper.” Nganga ka. Tulala ka. Tulo ang laway mo dahil di ka nakinig.

At kung talagang boredom ang hanap mo, narito ang kapatid nitong...

CHALKMAN

DISTRIBUTION:

MALE: 60%

FEMALE: 40%

Ito ay ang titser na blackboard ang kausap. Buong oras ay magsusulat ito sa blackboard at siyempre magsusulat ang mga mag-aaral dahil alam nilang kailangan nila ng notes at kailangan nilang ipasa ang notebook. At mahirap magsulat kung ang titser ay nakaharang. Habang nagsusulat ito sa blackboard ay ipinapaliwanag nito ang kanyang isinusulat. Sasabihin nitong huwag munang magsulat ang mga mag-aaral kundi making muna. Nakakalito, di ba? Ano ba talaga, makikinig o magsusulat?

Matapos nito ay isang “get ¼ sheet of paper.” Ang iba ay bagsak dahil sila ay nagsulat pero may notes na. Ang mga pumasa dahil sa nakinig lang muna sila ang may problema kung paano magsusulat sa notebook ganung nabura na ang writings sa blackboard. Maaari siyang kumopya sa iba. Maaari niyang picturan ang notes ng iba. Pero the best pa rin kung marunong kang makinig habang nagsusulat.

Pero ang titser na dapat ka talagang making, mapipilitan kang making ay sa mga...

PRIEST/PREACHER

DISTRIBUTION:

MALE: 5%

 FEMALE: 95%

Sila ay ang mga titser na pakiramdam nila mga pari sila. Naubos na ang oras sa sermon at pananaway. Bawal ang magtakip ng tenga. Makikinig na lang kayo kung hindi ay lalo itong magkakaroon ng high blood. 

Ang lagi nitong puna ay pagdating niya maingay, pagdating niya hindi sabay-sabay ang pagbati sa kanya, pagdating niya walang sumasagot, pagdating niya makalat, pagdating niya walang may assignment at lahat ay nasisira na kapag dumating siyang magulo ang classroom niyo.

Kapag talagang bad trip ito, walk out ang acting nito. Di ko alam kung talagang madali siyang mawala sa mood pagdating niya o talagang dumating siya sa section niyo ng hindi alam o hindi handa ang lesson kaya lagi na lang sermon ang pambungad sa inyo.

At may mga titser naman na di na talaga dumarating... Sila ay ang tinatawag na...

GHOST TEACHER/MISSING TEACHER

DISTRIBUTION:

MALE: 50%

FEMALE: 50%

Ito ay iyong mga titser na kilala niyo lang sa pangalan pero hindi niyo nakita kahit kalian o minsan niyo lang nakita sa inyong classroom. Lagi daw silang busy. Iyong pupunta nga sa inyo, mag-iiwan lang naman ng gagawin which is either magsusulat kayo o may student teacher siyang iniwan upang magbantay at magturo sa inyo. Lagi daw siyang may sakit o kaya ay family problem kaya absent.

Basta, kapag alam niyong ganito ang titser niyo, huwag niyo nang abangan. Patay na kayo pero di pa rin dumarating. Kapag bumalik ito, tiyak hindi alam ang ituturo dahil lagi ngang wala. May quiz pero di naman siya nagturo. Ito rin iyong titser na madalas ay late na nga pumasok, maaga pa umuwi. Isa lang ang tamang description- tamad.

Second place naman sa pagiging tamad ang mga...

HOT SEATER/JUDGE/CRITIC

DISTRIBUTION:

MALE: 10%

FEMALE: 90%

Ito ay ang titser na ang trip sa buhay ay ang maupo- maupo habang nanonood lamang sa report, sa roleplay, sa groupings, ng mga mag-aaral. Habang nanonood ay nagbibigay ito ng grade na di ko alam kung saan ba hinugot at hinulaan o kung paano ang kanyang computation. Parang Showtime lang ang scoring. At ang sasabihin lang nito matapos ay ang mali at ang kulang sa inyong presentation. Judge.

Ayaw nito ng di nakikinig. Kapag maingay kayo at di nakikinig, tiyak na merong “get ¼ sheet of paper.” Akala mo naman nakinig siya samantalang nagchecheck siya ng mga notebook.  

At ang ayaw ng lahat, marami itong utos at talagang pahirap ito sa buhay samantalang siya buhay doña.

Ok lang sana kung ang mga ganitong titser na nais umupo ay isa nang...

SENIOR CITIZEN

DISTRIBUTION:

MALE: 10%

FEMALE: 90%

Ito ay ang mga titser na talagang nabuhay upang magturo kaya naman ang buong buhay ay nilaan sa tungkulin. Sa paaralan na sila tumanda. Ang kanilang paraan ng pagtuturo lamang ang di nagbago. Sila ay iyong tipong kailangan mong tulungang umakyat ng hagdan. Sila ay iyong medyo mahina na ang pandinig. Sila ay iyong tipong malabo na ang mga mata. Sila ay iyong tipong makakalimutin na. Talagang pag-unawa ang kailangan ng mga ito. Ayaw pang magretire kasi napamahal sa paaralan at sa mga mag-aaral.

Mahilig din silang umupo sa dulo dahil di na sila maaaring mapagod. Marami silang utos pero natural lang ito. Boring man minsan ang klase, sinong makakalimot sa mga kuwento nila sa mga mag-aaral na parang apo na nila. Ang lagi nilang sinasabi ay iyong, “Mabuti nga kayo ngayon... samantalang noon...”

At meron pa, meron pang isang titser na di nawala sa panahon... Sila ay ang mga...

MERCHANT/ENTREPRENEUR

DISTRIBUTION:

MALE: 30%

FEMALE: 70%

Sila naman ang titser na sa panahon ng pangangailangan ay laging nariyan. Nasa kanila ang halos lahat ng school supplies na kailangan mo- papel, ballpen, bond paper at iba pa. Talagang boy scout, laging handa. Ang nakakatawa nga ay kung paanong sasabihin niya sa mag-aaral na di kailangan ang mga ito tapos biglang may surprise activity kung saan kailangang bumili ng mga ganitong  materials. Dahil walang nagdala, lahat ay bibili. At hindi na rin surprise kung may vat ito. Kung mabait ka, keep the change na.

Kailangan nila ito dahil nga sa kulang pa ang kanilang suweldo para sa kanilang pamilyang binubuhay. Isa itong sideline para sa kanila. Minsan pa nga ay pagkain ang ibebenta nila at at bumili, tiyak may plus 10. Pero ang tanong ng iba, bumili daw sila ng halos 200 pero bakit wala pa rin nangyari sa grade niya. Maingay ka, magbayad ka. Wala kang shoerug, magbayad ka.

Sila ay iyong nais tapatan ang canteen o ang tindahan sa tapatan ng campus. Matapos bumili ng lahat, ang punch line ay, “Huwag kayong maingay. Baka makarating ito sa principal.”

Ang iba naman ay nais maging adviser upang siya ang humawak ng class fund na sinasabi niyang pambili ng mga decorations sa classroom, mga cartolina, mga  kurtina, mga cleaning materials gaya ng walis, dust pan, floor wax, basahan, bunot  at iba pa na kung estimated mo ay parang... 

nawala ang kalahati ng pera. Iyon pala ay nasa bulsa na niya.

Kapag may exam, maniningil ito ng piso o dos para daw sa xerox ng mga test paper. Ang di magbayad, walang test. Kapag may nagreklamo, ang sasabihin niya ay, “Sa panahon ngayon, wala nang libre.”

At the end of the year, sila ang namumuno sa paglalagay sa sako ng mga notebook, visual aids at papers na ipinasa ng mga mag-aaral sa loob ng taon. Tiyak, junk shop ito. At ikaw, may nasalubong ka na ba sa daan... isang titser na kumikitang kabuhayan?

Pero may titser naman na isa lang ang nais sumalubong. Ito ay ang tinatawag nating...

PET LOVER

DISTRIBUTION:

MALE: 35%

FEMALE: 65%

Ang sipsip lang ang ganadong bumati sa ganitong titser. Ito ay may favorite, may kinikilingan. Isa o dalawa lang ang nakikita niyang mag-aaral. Ang karaniwang napipili nito ay iyong guwapo, maganda o iyong alam niyang mapagkakatiwalaan niya. Mahilig ito sa pagkakaroon ng secretary, recorder, announcer, peace officer, caregiver at helper.

Lagi itong may extra grade na dala para sa kanyang alaga. Mataas ang consideration nito sa kanyang alaga. Talagang close sila ng alaga niya. Talagang may mutual understanding. Friends sila. Kapag may sumbong ang alaga, rescue ito. Pero ito lang, walang sipsip, kung walang pet lover. Ewan ko ba kung bakit nasa school ito, dapat nasa zoo o jungle ito. Job mismatch!

At narito na ang tunay na wala dapat sa paaralan... Ito ay ang titser na...

BA BE BI BO BU

DISTRIBUTION:

MALE: 50%

FEMALE: 50%

Ito naman ang titser na di alam ang itinuturo, laging mali ang itinuturo.  Dahil sa ganitong ugali niya ay lagi siyang napapahiya sa mga mag-aaral, lalo na sa mga matatalino. Kapag napahiya, anong sabi? “Ay sorry.” Masyado rin itong bookish, dapat word by word ay kuha mo kundi mali iyang sagot mo. Wala na ngang motivation, translated pa ang lesson. Hindi siya hands-on magturo, iyong tipong kung paano sumayaw ay bahala na kayong panoorin sa Youtube. BABALA: HINDI DAPAT TULARAN ANG GANITONG URI NG TITSER.

At sinundan naman ito ng...

GOOD TEACHER

DISTRIBUTION:

MALE: 10%

FEMALE: 90%

Ito ay ang titser na parang isang angel na bumaba sa lupa- Santino. Madalas ay tahimik ang ganitong titser. Considerate sila. Sila ay tipong ang laging sinasabi sa mag-aaral ay, “Bahala kayo kung ano ang gusto niyong gawin.” Basta, siya ang tunay na opposite ng strict terrorist. Di ito mahilig manaway. Tama lang ang timpla nito. Huwag niyo lang ubusin ang pasensya at makikita niyo ang hinahanap niyo, magsisisi kayo.

Ang mahalaga lang sa kanya ay ang inyong attendance. Kahit di ka magaling ay papasa ka, basta magpasa ka- kaunting efforts lang. Kapag ito ay nagbigay ng  pointers, tiyak ito na rin ang sagot sa test. Talagang ibinibigay ang lahat. Kaya itodo muna ang pakikinig sa review. Sure ako na pinalitan lang ang numbering o kaya ang letter.  Cheating allowed, open notes allowed. Kailangan daw kasing pumasa ng mag-aaral para di na mahirapan. Ganito na nga ang rules, mataas pa magbigay ng grades. Oo, spoiled ang mga mag-aaral dito.

Pero ito ang tunay na ideal teacher...

EXCELLENT TEACHER/PROFESSOR

DISTRIBUTION:

MALE: 50%

FEMALE: 50%

Sila ay ang mga titser na minsan mo lang matatagpuan. Sila ay ang mga titser na magaling sa kanilang mga strategy sa pagtuturo, magaling magbigay ng motivation sa mga mag-aaral. Laging may quote para sa mga mag-aaral. Marunong sila magturo. Sila ay ang mga titser na talagang magiging masipag at magaling ka, magiging matino ka. Sila ay ang mga titser na magtatagumpay ka kung patuloy mong maaalala ang kanilang mga itinuro.

Una sa lahat ay mahalaga sa kanya ang tatlong A ng isang mag-aaral: attendance, attention, attitude.

Magaling itong adviser. Magaling itong disciplinarian.

Para silang walang lesson plan. Hindi sila bookish. Hindi mahalagang master mo ang lesson sa libro, mahalaga kung paano mo ito gagamitin sa buhay, mahalagang nalalaman at nauunawaan mo ito.  

Well-explained ang lesson. Well-explained kung bakit ka nagrereport, kung paano ka nagrereport. Lahat ay simple and short para sa kanya. Hindi mahalagang mahaba ang sagot.

Hands-on sila magturo. Siya ang bahala sa demonstration. Specific siya. Familiarize, not memorize. Think before you follow. Hindi nila ibinibigay ang lahat dahil kailangang matuklasan ng mag-aaral kung ano ang tamang gawin.

Kapag nagturo sila, mabagal ang takbo ng oras sa gitna ng klase pero kapag natapos, feeling niyo mabilis ang oras. Ito ay dahil ang klase ay parang isang roller coaster- may thrill at masaya. Sila ay iyong titser na kayang aminin na nagkakamali sila at hindi sila perfect.  Hindi lang ang bata ang may natututunan kundi maging sila ay meron ding nakukuha sa mag-aaral.

Sila ay iyong titser na hinahamon ang mag-aaral kung kaya niyang magtiis at maghintay na magbunga ang kanyang mga paghihirap. Talagang encouraging. Magaling din itong coach/mentor. Determinado ka, determinado siya, tiyak panalo kayo.

Wala silang favorite. Honest sila. Fair sila. Kung di ka magaling, efforts lang at kaya mong pumasa. Ang ibinibigay nitong grade ay iyong deserve ng bawat mag-aaral, hindi lamang dahil kailangan ng mag-aaral ng mataas. Kailangang paghirapan.

Sila ay iyong maaga nang pumasok, late pang umuwi.

Sila ay iyong mga titser na wala lamang sa loob ng classroom. Naniniwala silang ang edukasyon ay wala lamang sa loob ng classroom kundi saan mang bahagi ng daigdig. Hindi lamang kayo natuturuan ng academics, ng mga subject, kundi ng mga aral sa buhay na maaari niyong gamitin, sundin at ibahagi sa iba. Sila ay iyong mga titser na nakatouch sa personal lives ng kanilang mga mag-aaral. Hinahayaan nilang marealize niyo kung bakit kailangang gawin, kung paano gawin. Oo, experience is the best teacher, it gives the test first, the lesson afterwards.

Ito ang mga titser na talagang dapat tingalain, ipagmalaki at tularan. Standing ovation!

Sabihin niyo na ang nais niyong sabihin pero aking gagamitin muli ang mga salitang:

And yes, good teachers are those who challenge, those who influence and those who inspire.

Pero ngayon ay nasaan na ang ganitong mga titser? Nasa pangarap? Nasa panaginip? Nasa kawalan? Nasa imahinasyon ko lang ba ang mga ganitong titser? Yes, nowadays, no one is perfect. Tuluyan na ba tayong nasakop ng mga...

COMMONER

SIla ay ang mga karaniwang pumapasok, karaniwang nakikita at nasasalubong ng bata, karaniwang nagtuturo, karaniwang nagpaparecite, karaniwang nagpapareport, karaniwang nagpapaquiz, at higit sa lahat ay karaniwang mag-aaral lamang ang turing niya sa lahat dahil sa isa siyang karaniwang titser sa buhay ng isang mag-aaral.

Minsan nga naitanong ko, “Magagamit ba ang mga itinuturo nila sa tunay na buhay? Kapag bumili ka ba ng mantika ay kailangan natin ng trigonometric functions? Kapag ba nagsipilyo ka, kailangan ba nating alamin kung paano naging balance ang chemical equation ng ating toothpaste?”

Pero ang mahalaga sa lahat ay ang mga karanasang iyong nakuha, ang mga aral sa buhay na iyong natagpuan. Minsan ay nais ko maging guro, para kasing madali pero ang mahirap siguro ay kung paanong sa kabilang section ay sasabihin mo ang sinabi mo kanina sa isang section. Ganito ang maging titser, ang makalimutan ang sarili para sa lahat ng mga batang nais matuto, ang maiwan ng panahon, ang ipako ang sarili sa isang dakilang layunin... Lahat ng ito ay sadyang paulit-ulit. Bagong mukha, bagong taon pero ganoon pa rin ang ituturo mo, tumanda ka pa. Oo, ang pagtuturo ay nangangailangan ng labis na sipag at tiyaga.

At sila ang mga titser na tinuruan tayong sumayaw sa agos ng buhay, umawit ng pag-asa, gumuhit ng ating pagkatao, magbilang ng ating mga karanasan, magbasa ng ating mga aralin at higit sa lahat, ang sumulat ng ating kapalaran.

Maaaring sampung taon ngayon, 20 taon ngayon, mayaman ka na, sikat ka na, matagumpay ka na, may maipagmamalaki ka na, masalubong mo ang titser mo. Sa loob mo ay sinasabi mong di mo nagamit ang itinuro ng titser niyo, di mo natandaan ang itinuro ng titser niyo, di ka naman niya napansin. Maaaring di ka na kilala ng titser na ito pero tiyak na sa loob mo ay proud at thankful ka sa titser mong ito dahil sa naging bahagi siya ng iyong buhay.

Ano man ang tingin natin sa kanila- magulang, kaibigan, crush, idolo, berdugo, hari, pari, titser, ano man ang tawag natin sa kanila- Titser, Guro, Mam, Sir, Prof,  Coach, Maestro, Tutor, Mentor, Sensei, Rabbi, Guru, ang mahalaga ay marunong silang magturo, hindi lamang basta magturo kundi ang magturo ng mula sa puso at hindi lamang mula sa mga libro. At sa huli, ginagawa lang nila ang alam nilang tama para sa atin. Tinutupad nila ang kanilang tungkuling maging gabay patungo sa tamang landas. Kahit wala na tayo sa paaralan, nag-iwan pa rin sila ng marka sa isip, sa puso at sa pagkatao natin. Malaki ang ambag nila, malaki ang tulong nila. Wala sila, wala tayo, wala ako. Mabuhay silang lahat.

Yes, I have always read, "Be proud you are teacher. The future depends on you."

Image Sources:

http://nicole-omj.blogspot.com/2011/06/can-you-see.html

http://besteducationpossible.blogspot.com/2012/02/having-successful-parent-teacher.html

http://creativemomi.com/slice_of_life.html

http://taurish.blogspot.com/2011/03/physics-teacher.html

http://www.gurusfeet.com/blog/knowledge-hearsay

http://skratchpublishing.blogspot.com/

https://www.photospin.com/singleproduct.asp?id=93661&search_id=29727090&the_page=1&page_offset=0

http://www.cartoonstock.com/directory/k/kindergarten_teacher.asp

http://nbproe.blogspot.com/2010/04/ing-or-ed.html

http://msrayspsychicepisodes.wordpress.com/2012/04/29/shrink-or-psychic/

http://www.legaljuice.com/2012/01/of_course_the_judges_name_is_w_1.html

http://school.discoveryeducation.com/clipart/clip/nomonkey.html

http://replenishcosmetic.blogspot.com/

http://www.squidoo.com/Common-Teacher-Interview-Questions

Video Source:

http://www.youtube.com/watch?v=MRD9f4oaoQ0&feature=related

Information Sources:

http://festivals.iloveindia.com/teachers-day/types-of-teachers/index.html

http://gagongblogger.blogspot.com/2009/07/biruin-mo-ang-dami-palang-uri-ng.html

http://iamrjroque227.blogspot.com/2010/08/mga-uri-ng-titser.html

http://www.damuhan.com/2010/06/ibat-ibang-uri-ng-gurong-pinoy.html

http://sino-sy-ako.blogspot.com/2011/02/ang-titser-ko.html

http://buhayeskwela.blogspot.com/2009/03/uri-ng-guro.html

http://matabangutak.tumblr.com/post/6487799720